CaixaBank Payments & Consumer-entzat, etorkizunean pentsatzea jasangarritasunean pentsatzea da, gure balioen parte diren bi kontzeptu zatiezin baitira.
Jasangarritasuna berezkoa zaio gure enpresa-estrategiari, eta zeharka txertatzen dugu gure jardueran, hiru dimentsioei helduz: ingurumena, gizartea eta gobernantza (IGG). 2025-2027 Jasangarritasun Plan berria dugu, baina, aurkeztu aurretik, aurreko planaren balorazioa eta balantzea partekatu nahi ditugu.
2024an, oso balantze positiboarekin itxi genuen 2022-2024 Jasangarritasun Plana. Hiru urte hauetan, jasangarritasuna erakundeko arlo guztietan integratzea lortu dugu. Horren erakusgarri dira aldi horretan abiarazitako 100 ekimen baino gehiago, zeinetan parte hartu duten eta, kasu askotan, erakundeko arlo eta filial guztien buru izan diren, Portugalen dugun sukurtsala barne.
2024an, gure Jasangarritasun Planaren azken urtean, funtsezko 21 ekimen abiarazi genituen, eta dagoeneko emaitza nabarmenak eragin dituzte. Gainera, garapen-fasean dauden eta 2025-2027 Jasangarritasun Plan berriaren lehen erdian amaitzea aurreikusita dauden beste 50 ekintzatan aurrerapenak egin dira.
Inplementatutako ekimenen artean, nabarmentzekoak dira gure bezeroei trantsizio energetikoan laguntzea helburu dutenak. Esate baterako, haien etxeetako eraginkortasun energetikoa hobetzeko eta mugikortasun garbiagoa, ekonomia zirkularra, gizarteratzea eta berrikuntza jasangarria bultzatzeko. Horrela, hazkunde eredu arduratsuarekin dugun konpromisoa sendotzen dugu.
Hona hemen inplementatutako ekimenen adibide batzuk:
Bezeroek gure bulegoetan ematen dituzten txartelak birziklatzeko zirkuitu osoa ere hobetu dugu. Birziklatzeko zirkuitu eraginkorrago eta gardenago i esker, orain txartel birziklatu bakoitzaren helmuga zehatz dezakegu, eta bezero bakoitzari jakinarazi zertarako erabili den txartel zaharra. Txartelak hiri-altzari bihurtzen dira, hala nola bankuak eta paperontziak. Hala, plastikozko hondakin-tonak murrizten laguntzen dugu eta jasangarritasunaren eta bezeroaren esperientziaren arteko lotura indartzen da.
2025-2027 Jasangarritasun Plan berriak gidatuko gaitu datozen hiru urteetan, eta elkarlanean eta CaixaBank-en 2025-2027 Jasangarritasun Planarekin batera garatu da.
Plan berri honek jarraipena ematen die hiru anbizioei: aurreko planeko ingurumena, gizartea eta gobernantza, eta ildo estrategikoak. Aldi berean, beste alderdi batzuk eguneratu, indartu eta zehazten ditu, anbizio soziala bereziki azpimarratuz.
Ingurumen-anbizioa: gure fokua da oraindik ere, gure bezeroei laguntzea mugikortasun jasangarriaren eta etxe eraginkorraren eremuetan trantsizio energetikoa egiten. Hori erdiesteko, baldintza berezien bidez finantzatzeko eta laguntzeko integratzen duten soluzio espezifikoak erabiltzen dira. Gainera, gure jarduera deskarbonizatzeko lanean ere jarraitzen dugu, txartelekin lotutako ekimenak inplementatuz, hala nola digitalizazioa, birziklatzea edo material jasangarriagoak berritzea. Halaber, 1. eta 2. irismeneko karbono-aztarnak murriztu nahi ditugu. 1. irismenekoen kasuan, batez ere, ibilgailu komertzialen flota modelo eraginkorragoetara eguneratzea da asmoa. 2. irismenekoen kasuan, berriz, batez ere gure balio-katearen aztarnarekin (hornitzaileak) eta bidaia korporatiboei lotutakoekin murriztu nahi ditugu.
Anbizio soziala: gizarteratzeak eta inklusioa lehentasuna izaten jarraitzen du, eta Braille txartela edo itsuentzako STa arlo horretan garatutako ekimenen adibide argiak dira. Dena den, horri bi jarduera-ildo berri gehitu behar zaizkio. Batetik, enplegagarritasuna eta ekintzailetza bultzatzea, lanbide-heziketarako eta unibertsitate-ikasketetarako maileguak bezalako finantza-produktuen bidez. Bestetik, luzatuz doan bizitza-itxaropenari erantzutea, senior kolektiboari zuzendutako eta etapa horretarako prestatzera bideratutako finantza-soluzio eta -produktuen bidez.
CaixaBank Payments & Consumer-en, CaixaBank Taldeko konpromisoekin bat egiten jarraitzen dugu gure ingurunearen jasangarritasunean elkarrekin aurrera egiteko, betiko moduan.
Era berean, Nazio Batuen 2030 Agendaren Garapen Jasangarrirako Helburuekin (GJH) dugun konpromisoa sendotu nahi dugu, bereziki bost helburuekin, gure jarduerak eragin zuzenagoa baitu horietan:
Gure bezeroei, partikularrei eta enpresei, ekonomia jasangarriago baterantz zuzentzen ditugu. Hori erdiesteko, ingurumenean duten inpaktua murrizten duten produktu jasangarrien finantzaketa sustatzeko ekimenak ditugu, Ekimen horiek mugikortasun jasangarrian eta etxe eraginkorrean ardaztuta daude, batez ere.
Gure jarduera deskarbonizatzeko ekintzak ere sustatzen ditugu, Taldearen Ingurumen Kudeaketako Planarekin lerrokatuta. Ekimen horiek gure karbono-aztarnaren kalkulutik abiatzen dira, eta, besteak beste, ekimen hauek hartzen dituzte barne: CaixaBank-eko bulegoetan txartelak biltzea, haiek modu egokian birziklatzea; STa inplementatzea, tiketa ez inprimatzeko aukerarekin; txartelak digitalizatzea, eta ibilgailu komertzialen flota modelo jasangarriagoetara eguneratzea, besteak beste.
CaixaBank Payments & Consumer-en erronka da eragin positiboa izatea pertsonengan, bereziki egoera zaurgarrian dauden horietan.
Hori lortzeko, kolektibo eta enpresa ezberdinen beharretara egokitutako produktuak eta zerbitzuak eskaintzen ditugu, gizarteratzeko irizpideak dituztenak.
Gizarte-inklusioa eta finantza-inklusioa indartzea, enplegagarritasuna eta ekintzailetza sustatzea eta luzatzen ari den bizitza-itxaropenari erantzutea dira gure helburuak.
Gainera, gizarte justuagoa eta inklusiboagoa erdiesteko programak eta proiektuak finantzatzen ditugu eta horietan parte hartzen dugu, hirugarren sektoreko elkarte eta erakundeekin lankidetzan eta betiere Gizarte Ekintza CaixaBank-ekin eta "la Caixa" Fundazioarekin koordinatuta.
Gure jardueraren kudeaketa arduratsuaren alde egiten dugu., Horretarako, alderdi sozialak eta ingurumen-alderdiak txertatuta daude gure gobernu-organoen eta erakundearen parte diren arlo eta negozioen erabakiak hartzeko prozesuetan. Halaber, jasangarritasunarekiko sentsibilizazioa sustatzen da plantilla osoarentzat.
Badakigu konpainia osatzen duten pertsonak gure balioekin konprometituta egoteari zor zaiola gure arrakasta. Horregatik, barne-talentua eta ongizate pertsonala sustatzen ditugu, gure jarduera lan-ingurune inklusibo, anitz eta parekide batean garatuta.
Gure jarduera lan-ingurune inklusibo, anitz eta parekidean gara dadin ere saiatzen gara.
