CaixaBank Payments & Consumer erakundearentzat, etorkizunean pentsatzea iraunkortasunean pentsatzea da, gure balioen parte diren bi kontzeptu zatiezin baitira.
Iraunkortasuna gure lan egiteko moduaren parte da. Gure jardueraren arlo guztietan sartzen dugu, bere hiru alderdi nagusiak kontuan hartuta: ingurumena zaintzea, konpromiso soziala eta enpresa-kudeaketa on bat.
Bide horretan aurrera egiteko, Taldearenaren ildotik prestatu dugun gure Banku Iraunkorraren 2022-2024 Planari garraitzen diogu. Plan hori Garapen Korporatiboaren eta Iraunkortasunaren arlotik bultzatzen eta gainbegiratzen da.
Plank erakundearen arlo ezberdinetako 100 ekimen baino gehiago biltzen ditu. Gure helburua da gure bezeroei trantsizio iraunkor bat lortzen laguntzea eta eta inpaktu sozial positiboa sustatzen jarraitzea finantza-soluzio eta -produktu inklusiboen bidez.
Hori lortzeko, iraunkortasunaren kultura bat sustatzen dugu gure enplegatuen artean, lan-ingurumen inklusibo bat eskainiz eta euren talentu eta garapen profesionala sustatuz.
Gobernu-jardunbide onak sustatzen ditugu, zeinak iraunkortasuna erabakiak hartzean eta erakundearen prozesu guztietan behar bezala txertatzen dela bermatzen baitute.
Plana egiteko, materialtasun-azterketa bat egin izan dugu gure jarduerarako garrantzitsuak diren IGG gaiak identifikatzeko eta lehenesteko, gure interes-taldeen iritzia kontuan hartuta.
CaixaBank Payments & Consumer-en bat egiten dugu CaixaBank Taldearen konpromisoekin gure inguruneko iraunkortasunaren hainbat arlotan aurrerapena bultzatzeko.
Horrez gain, Nazio Batuen 2030 Agendaren Garapen Iraunkorrerako Helburuak (GIH) lortzen laguntzeko konpromisoa hartzen dugu; batez ere, gure jarduerak zuzenago eragiten dien hurrengo 5 helburuetan:
Gure bezeroei, pertsona zein enpresa izan, ekonomia iraunkor bateranz egiten ari diren bidean laguntzen diegu. Hori errealitate bihurtzen dugu ingurumenarekiko begirunetsuak diren produktuak finantzatzen laguntzen duten ekimenekin. Gure helburua da planetarekin etorkizun orekatuago baterantz urratsak ematen dituen gizarteari laguntzea.
Gure jarduera deskarbonizatzeko barne-ekintzak ere bultzatzen ditugu, hala nola: gure txartelak birziklatzea, tiketa ez inprimatzeko aukera ematen duten STak edo bigarren txartela digitalizatzea, beste batzuen artean.
CaixaBank Payments & Consumer-en erronka da eragin positiboa sortzea pertsonengan, bereziki kalteberatasun-egoeran daudenengan.
Hori lortzeko, hainbat kolektibo eta enpresaren beharretara egokitutako produktuak eta zerbitzuak eskaintzen ditugu, gizarteratzeko irizpideak dituztenak.
Era berean, gizarte bidezkoagoa eta inklusiboagoa bultzatzen duten programa eta proiektu sozialetan hartzen dugu parte.
Gure jardueraren kudeaketa arduratsuaren aldeko apustua egiten dugu, gizarte- eta ingurumen-alderdiak txertatuz gure gobernu-organoen eta erakundea osatzen duten arlo eta negozio bakoitzaren erabakietan.
Ondo dakigu gure konpainiaren arrakasta konpainia osatzen duten pertsonak gure balioekin konprometituta egoteari zor zaiola. Horregatik, haien ongizatea lortzeko lan egiten dugu, eta, aldi berean, haien talentua eta iraunkortasun-sentsibilizazioa sustatzen ditugu.
Gure jarduera lan-ingurune inklusibo, anitz eta parekidean gara dadin ere saiatzen gara.
