¿Quieres utilizar la página simplificada? Descárgatela
Ordainketa geroratuaren modalitateak (Revolving) aukera ematen dizu epeka ordaintzeko, interesak dituzten kuoten bidez, zuk erabilitako kredituaren osotasuna. Txartela duen kreditu-kontu bati lotuta edo lotutako kreditu-txartelik gabeko kontu bati lotuta egon daiteke; bi kasuetan, funtzionamendua bera da.
Hilaren amaieran guztia batera ordaindu beharrean, ordainketa geroratuaren modalitatean (Revolving), erabilitako zenbatekoa itzuliko duzu, aukeratzen duzun ordainketa geroratuko (Revolving) kuotaren arabera epeka sortzen diren interesekin. Hura noiznahi aldatu ahal izango duzu, gorantz edo beherantz, erakundeak ezarritako gutxieneko zenbatekoa errespetatuta, jarraian azalduko dizuguna.
Gogorarazten dizugu garrantzitsua dela kontuan izatea kreditu-kontuarekin egindako eragiketak, lotutako txartelarekin edo hura gabe, ordainketa-modalitate horrekin interesak sortzen dituztela egiten diren unean bertan.
ORDAINKETA GERORATUAREN MODALITATEAK (REVOLVING) AUKERA EMATEN DIZU EPEKA ORDAINTZEKO,
HILEKO KUOTEN BIDEZ, ZUK ERABILITAKO
KREDITUAREN OSOTASUNA.
Zuk erabakiko duzu hilero ordainduko duzun kuotaren zenbatekoa, aurrerago azalduko dizugun gutxieneko kuota errespetatuta beti.
Noiznahi erabil dezakezu zure kreditua, adibidez, aldizkako erosketak egiteko, betiere zure kreditu-mugak eta saldo eskuragarriak ahalbidetzen dutenean.
Automatikoki dirua atzitu ahal izango duzu, betiere zure kreditu-lerroan saldo eskuragarria dagoen bitartean.
Zuk erabakiko duzu hilero ordainduko duzun kuotaren zenbatekoa, betiere erakundeak ezarritako gutxieneko kuota (5 euro) errespetatuta. Aukeratutako hileko kuota zenbat eta handiago, orduan eta lehenago ordainduko duzu erabilitako kreditua. Ondorioz, kredituaren kostua txikiagoa izango da, interesak denbora gutxiagoan ordainduko dituzulako, eta kuotaren zenbateko gehiena kapitala amortizatzera zuzenduko delako.
CaixaBank Payments & Consumeren zure segurtasun finantzarioa zaintzen dugu. Horregatik, zure zorraren itzultzea 5,5 urte baino gehiago ez luzatzea ziurtatuko duen gutxieneko kuota bat ezarriko dugu. Honako hau da gutxieneko kuotaren kalkulurako erabiliko dugun formula:
[(Faktore zuzentzailea + hileko ITNa) x geratzen den zenbatekoa azken mugimendutik].
Faktore zuzentzailea ehuneko bat izango da, kontratuaren ITNaren araberakoa, eta haren balioak bermatu egingo du zorra erabat ordainduko dela 5,5 urtetan, gehienez jota. Faktore zuzentzailea zure hileko laburpenarekin batera emango dizugu.
Ordainketa geroratuko modalitatearen simulazio bat egin nahi baduzu (Revolving), Revolving kalkulagailu honen bidez egin dezakezu, hemen.
01
Aukeratu ordainketa geroratuko modalitatea (Revolving) edo alda ezazu kontratazio-unean ez bazenuen aukeratu.
02
Aukeratu hilean ordaindu nahi duzun kuota (azaldu dizugun gutxieneko kuota errespetatuta).
03
Egin behar duzun gastua hilean eskuragarri duzun kreditu-mugara arte eta ordaindu aukeratutako kuota soilik
Horrela, zorpetze-denbora laburtuko duzu, amortizazioa gehiegi luzatzea saihestuta, horrek interesak handiagotuko lituzkeelarik. Horren ordez, saiatu arrazoizko epean ordain ditzakezun kuotak aukeratzen, zure finantzen gaineko kontrol handiagoa izateko.
CaixaBank Payments & Consumereko zure atal pertsonalean zure laburpenak atzi ditzakezu, eta zure erosketa eta eragiketa guztien aldizkako kontrola izan.
Galderak sortzen bazaizkizu, galdetu iezaguzu. Langile espezializatuak ditugu eta behar duzun guztia argitzen lagunduko dizute.
Aztertu zure gastuak eta erabaki zer erosketatan izan daitekeen erabilgarri. Zatikatu erosketak/eragiketak gastu handiagoa egin behar duzunetan, metodo errepikari gisa erabili beharrean; horrela, lotutako txartela duen edo ez duen kreditu-kontua modu eraginkorragoan maneiatu ahal izango duzu, eta behar duzuna baino gehiago zorpetzea saihestu.
CaixaBank Payments & Consumeren ordainketa geroratuko modalitatearen (revolving) erabilera arduratsua egin dezazun ziurtatzeko neurri batzuk ezarri ditugu:
ZER DA ORDAINKETA GERORATUA (REVOLVING) DUEN KREDITU-TXARTEL EDO TXARTELIK GABEKO KREDITU-KONTU BAT?
Ordainketa geroratuko modalitatea (Revolving) darabilten kreditu-txartelek eta txartelik gabeko kreditu-kontuek titularrari kreditu-lerro bat eskaintzen diote, eta kreditua ez da itzultzen guztiz adostutako likidazio-aldiaren amaieran; aldiz, kreditua epeka itzultzen da, modu geroratuan, eta lotutako interesa ordainduta (zehaztuta agertzen da kontratu aurreko informazioan (INEan) nahiz kontratuan).
Gainera, kreditua birakaria da; hau da, murriztu egiten da ordainketak kredituan egitean lotutako txartela duen edo ez duen kreditu-kontuarekin. Edonola ere, erabilitako kreditua ordaindu ahala, "berritu" egiten da, eta berriro erabil dezakezu.
Ordainketa geroratuko (Revolving) kreditua itzuliko duzu aukeratzen duzun hileko kuotaren arabera, baita ordaindu ahala erabiltzen duzun kredituaren arabera ere.
Zenbat eta hileko kuota handiago, orduan eta lehenago ordainduko duzu erabilitako kreditua. Ondorioz, kredituaren kostua txikiagoa izango da, interes gutxiago ordainduko dituzulako eta kuotaren zenbateko gehiena kapitala amortizatzera zuzenduko da.
Lotutako txartela duten edo txartelik gabeko gure kreditu-kontu guztiek kredituaren ordainketa pertsonalizatzea ahalbidetzen dute zure behar finantzarioen arabera; horregatik, horietako edozeinek aukera ematen dizu ordainketa geroratuko modalitatea (Revolving) aukeratzeko.
ORDAINKETA GERORATUA (REVOLVING) DUTEN KREDITU-TXARTEL EDO -KONTUEK INTERESAK SORTZEN DITUZTE?
Ordainketa geroratuko modalitatea (Revolving) aukeratuz gero, lotutako interesak ordainduko dituzu.
Hilero ordaintzeke mantentzen den saldoaren gain sortzen dira interesak, eragiketa/erosketa egiten duzun unetik.
Garrantzitsua da kontuan izatea lotutako txartela duen edo ez duen kreditu-kontuaren guztizko saldoa ez bada ordaintzen, interesak ordaintzeke dagoen saldoari gehitzen zaizkiola.
Kreditutik eratorritako interesak murriztu egiten dira kuoten ordainketarekin, hala erabilgarri berria sortuz, baina handiagotu egiten da lotutako txartela duen edo ez duen kreditu-kontuaren erabilera berriaren bidez.
NOLA JAKIN NIRE KREDITU-TXARTEL EDO TXARTELIK GABEKO KREDITU-KONTUAK ORDAINKETA GERORATUA (REVOLVING) DUELA?
Lotutako txartela duen edo ez duen zure kreditu-kontuak ordainketa geroratuko modalitatea (Revolving) onartzen duen jakiteko, entregatu den kontratu aurreko informazioan (INE) bila dezakezu, eta txartela eskatzean sinatu zenuen kontratuan edo aldizka jasotzen dituzun hileko laburpenetan.
Halaber, aukera duzu lotutako txartela duen edo ez duen zure kreditu-kontuak ordainketa geroratuko modalitatea (Revolving) duen kontsultatzeko, web-atal honetan:
https://www.caixabankpc.com/es/particulares/atencion-al-cliente.
Era berean, zalantzak izaten jarraitzen baduzu, zure eskura jarri dugu doako telefono-zenbaki bat, astelehenetik ostiralera 09:00etatik 21:00etara, eta nahi izanez gero, han kontsulta dezakezu: 900 101 601.
NOLA ESKATU ORDAINKETA GERORATUKO MODALITATEA (REVOLVING) DUEN TXARTEL BAT?
Hainbat modu daude ordainketa geroratua (Revolving) duen txartel bat eskatzeko:
CaixaBankek merkaturatzen dituen CaixaBank Payments & Consumeren txartelei dagokienez, kontratazioa online edo bulegoetan egin daiteke, eta dagoeneko CaixaBankeko bezeroa bazara, CaixaBank NOW bidez ere egin dezakezu.
https://www.caixabank.es/particular/tarjetas-bancarias.html
Lotutako txartela duten edo ez duten kreditu-kontuen kasuan, normalean CaixaBank Payments & Consumer lankidetzako akordio komertzialak dituen kolaboratzaileekin erlazionatzen delarik, gure bazkideen dendetan egiten da kontratazioa: MediaMarkt, IKEA, FNAC, besteak beste. Finantzaketa-produktu horien kontratazioa online egiteko aukera ere badago.
Lotutako txartela duten edo ez duten gure kreditu-txartelak kontratatu aurretik, zure eskura jartzen dugu (kontratazio-fluxuan agertuko da eta posta elektroniko bidez bidaliko dizugu) Europako Informazio Normalizatua (INEa); hots, aukeratutako finantzaketa-produktuaren kontratuari buruzko kontratu aurreko informazioa. Garrantzitsua da arretaz irakurtzea eta, nahi izanez gero, merkatuko beste eskaintza batzuekin alderatzea. Bertan, baldintza ekonomikoak eta txartela duen edo ez duen kreditu-kontuaren kontratuari buruzko informazioa azalduko dizugu (atzera egiteko eskubidea, ordainketa-modalitateak, esleitutako kreditu-muga etab.). Hartu zure denbora.
Eskainitako baldintzak mantenduko ditugu 30 egunez, kontratua sina dezazun behin ondo pentsatu eta erabaki ostean, produktua zure beharretara egokitzen bada.
Hori dela eta, txartela kontratatu aurretik, hauetarako eskubidea duzu:
BEHIN KONTRATUA SINATUTA, ATZERA EGIN DEZAKET? NOIZNAHI UTZ DEZAKET BERTAN BEHERA?
Bai, atzera egiteko eskubidea duzu; hau da, lotutako txartela duten edo ez duten gure kreditu-kontu baten kontratuari uko egin eta baliogabetzeko eskubidea, sinatu ondorengo lehenengo hamalau (14) egun naturaletan. Ez dago arrazoirik eman beharrik kontratuari uko egiteko. Lehen hamalau (14) egun horiek igarotzean, kontratua edozein unetan utz dezakezu bertan behera, zure aldetik, arrazoirik eman gabe, zor duzun zenbatekoa aldez aurretik ordainduta. Eskatzean, zorrik ez balego, guk geuk utziko dugu bertan behera 24 orduren buruan.
Kontratua bertan behera utz dezakezu, idatziz, formatu iraunkor eta elektronikoan hola@caixabankpc.com helbidera bidalita, paperean, Gran Via Corts Catalanes, 159-163, de (08014) Barcelona helbidera bidalita edo onartutako beste bideren bidez, jaso izanaren eta haren edukiaren egiaztapena ahalbidetzen duena.
Kontratua ezeztatu nahi baduzu, CaixaBank Payments & Consumeren zure ezeztatze-eskaera beteko dugu hura jakinarazi eta 24 ordu igaro aurretik (atzera egiteko eskubidea erabiltzeko bitarteko berak erabilita). Kreditu-kontuaren kontratua ezeztatzeko, beharrezkoa da aldez aurretik zor izan ditzakezun kopuruak ordaintzea eta txartela duen kreditu-kontu baten kontratua bada, hari lotutako txartela ere aurretik itzuli beharko diguzu. Kontratua ezeztatzen bada, kreditu-kontua itxiko da, eta beharrezkoa bada, hari (kreditu-kontua) lotutako txartela ezeztatuko, ezingo direlarik xedapen berriak egin. Erabilitako zerbitzuei dagozkien prezio eta gastuen zati proportzionala kobra diezazukegu, aldiaren hasieratik ezeztatzea egin arte erabili direnak. Aldez aurretik prezioen eta gastuen zenbateko osoa kobratu izan bagenu, zati proportzionala itzuliko genizuke, eta kreditu-kontuari lotutako kontuan sartuko. Kredituaren itzulketei erlazionatutako ordainketak helbideratzeko kontua da hori.
NON KONTSULTA DEZAKET SINATZEN DUDAN KONTRATUA? KOPIA BAT EMANGO DIDAZUE?
Kontratuaren kopia bat jasoko duzu, noski. Kontratuaren kopia sinatua bidaliko dizugu harpidetza egitean edota posta elektroniko bidez.
ZEIN DIRA ORDAINKETA GERORATUA (REVOLVING) DUEN KREDITU BATEN EZAUGARRIAK?
Malgutasuna
Lotutako txartela duten edo ez duten kreditu-kontuek zure erosketak kuotetan ordaintzeko aukera eskaintzen dute, guztia batera ordaindu beharrean. Adostutako kontua betetzen duzun bitartean, hainbat hilabete izango dituzu edozein zor kitatzeko.
Bizkortasuna eta erabilgarritasuna
Finantza-erakundeak eragiketa onartu ostean, berehala erabil daiteke emandako kopurua. Gainera, zorra amortizatu ahala, erabilgarri dagoen muga berrezarri egiten da, eta horrek finantza-malgutasun handiagoa ematen du, etorkizunean ustekabeei edo likidezia-beharrei aurre egiteko.
ZERTAN BEREIZTEN DA ORDAINKETA GERORATUA (REVOLVING) DUEN KREDITUA BESTE KREDITU EDO ORDAINKETA-MODALITATEETATIK?
Ordainketa geroratuaren (revolving) eta beste ordainketa-modalitate batzuen arteko desberdintasun nagusia eragiketak egiteko modua da:
Ordainketa geroratua (revolving): Erosketak egitea eta hilero ordaindu nahi duzun kuotaren zenbatekoa hautatzeko aukera ematen dizu, gehiegizko zorpetzea saihesteko gutxieneko kuota bat errespetatuta. Gogoan izan interesak sortzen direla eragiketa/erosketa egiten duzun unetik.
Ordainketa hilabete amaieran: Aukera horrekin, zure erosketa guztiak taldeka ditzakezu eta behin bakarrik ordaindu hilaren amaieran. Erabili lotutako txartela duen edo ez duen zure kreditu-kontuak ahalbidetzen dizun emandako kredituaren zenbatekoa eta likidazio-aldiaren amaieran kobratuko dizugu. Interesik gabe!
Ordainketa zatikatua: Revolving ordainketaren antzera, hileko kuotetan ordaintzea ahalbidetzen dizu, baina kasu honetan, zenbatekoa aukeratu beharrean, epe desberdinen artean aukeratuko duzu, 3, 6 edo 10 hilabete, zure erosketen zenbatekoa ordaintzeko. Zenbatekoa kalkulatzeko zenbat hilabetetan ordaindu nahi duzun hartuko da oinarritzat. Kontuan izan ordainketa mota horrek interesak sor ditzakeela.
NOLA JAR NAITEKE HARREMANETAN CAIXABANK PAYMENTS & CONSUMEREKIN ORDAINKETA GERORATUA (REVOLVING) DUEN NIRE KREDITU-TXARTEL EDO TXARTELIK GABEKO KREDITU-KONTUAREN FUNTZIONAMENDUAREN INGURUKO ZALANTZAK BADITUT? ETA KREDITU HORREN INGURUKO KEXA EDO ERREKLAMAZIO BAT AURKEZTU NAHI BADUT?
Ordainketa geroratua (revolving) erabiltzen zure kreditu-txartel edo txartelik gabeko kreditu-kontuaren funtzionamenduari buruzko zalantzak badituzu, ez izan zalantzarik eta jarri harremanetan bezeroarentzako gure arreta-zerbitzuarekin:
Hainbat kanalen bidez egin dezakezu:
Zure finantza-produktuaren inguruko kexa edo erreklamazioren bat egin behar baduzu:
Bildu informazio garrantzitsu guztia: arazoarekin erlazionatutako dokumentu eta xehetasun guztiak, barne hartuta hileko laburpenak, ordainagiriak, kontratuak eta abar.
Erreklamazioa eta hari lotutako informazioa aurkezteko, aukera hauek erabil ditzakezu:
Bezeroarentzako arreta-zerbitzuak gehienez hilabeteko epea du oro har erreklamazioak konpontzeko, bere funtzionamendu araudiari dagokionez, edo 15 egun baliodunekoa, ordainketa zerbitzuei buruzko erreklamazioak konpontzeko. Ebazpenarekin desadostasuna gertatzekotan edo adierazpenik igorri gabe adierazitako epea igaro bada, bezeroak gainbegiraleen erreklamazio zerbitzuaren aurrean bere erreklamazioak adierazi ditzakete. CaixaBank Payments & Consumer-ek Espainiako Bankuaren gainbegiradapean dihardu. Espainiako Bankuak Madrilen du egoitza (calle Alcalá, 50), eta helbide honetan du webgunea: www.bde.es
NOLA KALKULA DEZAKET NIRE INTERES ETA BEHARRETARA HOBEREN EGOKITZEN DEN KUOTA ORDAINKETA GERORATUKO MODALITATEAN (REVOLVING)? ZER DA ETA ZERTARAKO BALIO DU CAIXABANK PAYMENTS & CONSUMEREK NIRE ESKURA JARTZEN DUEN KALKULAGAILUA?
CaixaBank Payments & Consumeren ordainketa geroratuko modalitatearen (revolving) adibideak emango dizkizugu, kontratu aurreko dokumentazioaren (INE), kontratuaren eta hileko laburpenen bidez, zure behar eta interesetara hoberen egokitzen den kuota zein den baliozta dezazun.
Kuota eta interesen kalkulua errazteko, zure eskura jartzen dugu tresna hau: https://clientebancario.bde.es/pcb/es/menu-horizontal/podemosayudarte/simuladores/calculo_cuota_tarjeta_revolving.html
Kalkulagailu hori erabiltzeko, txartelaren interes-tasa sartu behar duzu, txartelak ordaintzeke duen saldoa eta hilero ordaintzeko asmoa duzun kopurua. Kalkulagailuak zorra ordaintzeko pasako duzun denboraren eta sortuko dituen interesen kalkulua egingo du.
Tresna horrek erabaki informatuagoak hartzen lagunduko dizu zure zorra kudeatzearen inguruan, horrela kostu gehigarriak saihesteko.
