CaixaBank Payments & Consumer-en, aldaketa positiboaren boterean sinesten dugu, baita gizarte bidezkoagoa, inklusiboagoa eta konprometituagoa eraikitzeko dugun erantzukizunean ere. Inguruan ditugun pertsonen beharrei adi gaude, eta komunitate bakoitzean dituzten errealitateei erantzungo dieten irtenbideak bilatzen ditugu. Horregatik, zaurgarritasun-egoeran dauden pertsonentzat bereziki eragina duten produktuak eta zerbitzuak eskaintzen ditugu.
Ondoen egiten dakigunarekin laguntzen dizugu: banka, ordainbideak eta finantzabideak. Horrela, irtenbideak eskaintzen ditugu zure proiektu jasangarriak bultzatzeko, zure finantza-ongizatea hobetzeko eta, elkarrekin, ekonomia eraldatzeko eta garapen ekonomikoa eta soziala sustatzeko. Hori posible egiteko, ordainbideak eta finantzaketa-zerbitzuak gero eta pertsona gehiagok eskuratzea errazten duten ekimenak bultzatzen ditugu.
Administrazio publikoekin eta gizarte-erakundeekin lankidetzan aritzen gara laguntza sozialen onuradunentzat aurreordainketako txartelak emateko.
2024ra arte, laguntza sozialeko 65.000 txartel baino gehiago jaulki dira.
MoneyToPay-rekin batera, aldi baterako plantillaren nominak ordaintzeko txartelak jartzen ditugu lehen sektoreko enpresen zerbitzura.
Txartel horiek ez dute inolako kosturik onuradunentzat, eta soldataren erabilgarritasuna errazten dute modu erraz eta malguan.
2024an, 7.000 txartel baino gehiago jaulki genituen aldi baterako langileen nominetarako. Ordura arte 20.000 txartel baino gehiago jaulki ziren.
CaixaBank Payments & Consumer-en, 100 GKE baino gehiagori lotutako txartelak ditugu, eta horien bidez 2,4 milioi euro baino gehiago bildu dira 2024an
Bi GKE txartel mota ditugu. Lehen kasuan, gure bezero solidarioenek urteko jaulkitze- eta mantentze-kuotaren zati bat aukeratzen duten erakunde sozialari lagatzen zaio. Bigarren kasuan , txartel horiekin egiten diren erosketen ehuneko txiki bat aukeratutako erakunde sozialera bideratzen da.
2024ra arte orotara, 40.000 GKE txartel baino gehiago jaulki dira.
2022aren amaieran, braille-kodeko lehen banku-txartela jaulki genuen Espainian, ONCErekin lankidetzan. Horrekin, ikusmen-desgaitasuna duten pertsonek edozein motatako saltokietan egin ditzakete erosketak, modu autonomoan, aurrez aurreko kanalean eta saltoki digitaletan.
Txartel hori aurrerapauso handia izan da banka inklusiboarekin dugun konpromisoan: gure zerbitzuak eskuragarriago egiten ditu eta bezeroaren esperientzia hobetzen du.
2024ra arte 3.955 Braille txartel jaulki dira.
CaixaBank Payments & Consumer-en, pertsonen beharretara egokitutako produktuak diseinatzeaz gain, finantza-hezkuntzako ekimenak sortzen ahalegintzen gara, erosketa hobeto erabakitzeko behar den informazio guztia emanez.
CaixaBank Taldeko kide garen aldetik, gure bezeroen eta, oro har, gizartearen finantza-kultura hobetzeko konpromisoa dugu, kolektibo ahulenak barne hartuta.
2024an, CaixaBank Taldeko boluntarioen eta/edo gizarte-erakundeekin garatutako ekimen ugari izan genituen.
Gizartearen aurrerapenarekin eta pertsonen ongizatearekin konprometituta gaude. Horregatik, aliantzak egiten ditugu garapen jasangarriaren eta ingurumena babestearen balioak partekatzen dituzten gizarte-erakundeekin. "Auzoarekin konektatuta" ekimenaren bidez, gure ordezkaritzetatik hurbilen dauden auzoetako gizarte-erakundeak identifikatzen ditugu, haiekin jarduerak eta ekintzak garatzeko.
CaixaBank Payments & Consumer-en konexioaren ahalmenean sendo sinesten dugu. Horregatik, "Auzoarekin konektatuta" eta "CPCrekin konektatuta" ekimenak sustatzen ditugu, gure eraikin korporatiboak eta ekipoak inguruko pertsona zaurgarrienen errealitatera hurbiltzeko.
Ekimen horiek bokazio argi batekin sortzen dira: gure langileen eta gugandik gertu lan egiten duten edo gure taldeekin lotura berezia duten gizarte-erakundeen, fundazioen eta GKEen artean zubiak eraikitzea, familia-loturengatik edo boluntariotza-ekintzetan duten inplikazioagatik.
Konexio horien bidez, erakunde horiei laguntzen diegu, eta CaixaBank Taldearen babesa eskaintzen diegu, elkartasun-kanpainetan aktiboki parte hartuz. Horren adibide dira El Árbol de los Sueños eta ReUtilízame kanpainak. Gainera, komunitatean benetako inpaktu positiboa duten jarduerak eta ekintzak garatzen ditugu elkarrekin.
Auzoarekin konektatzen dugunean, benetan axola duenarekin konektatzen dugu.
"Formula solidarioa", CaixaBank-en eta CaixaBank Payments & Consumer-en ekimena da, eta "la Caixa" Fundazioaren eta zaurgarrienen zailtasunen aurrean sentikorrak diren enpresen laguntza ekonomikoa bideratzen du. Formula solidarioa programaren helburua da erakunde onuradunen proiektuak gauzatzen laguntzea.
Gure aliatuen laguntzarekin, 2024an, proiektuak zituzten 70 erakunde baino gehiagori lagundu diegu. 1,8 milioi eurotik gorako ekarpenarekin, kolektibo zaurgarriei eta gizarte bazterketa arriskuan daudenei lagundu diegu.
Mugikortasun solidarioa
Aliantzak sortzen ditugu automobilgintzaren sektoreko gure bezeroekin, deskontuak eta/edo dohaintzak egin ditzaten, gizarte-erakundeei ibilgailu jasangarriak ematen laguntzeko. 2024. urtean 43 proiektu gauzatu genituen.
Atal horretan renting solidarioa sartzen da. Horren bidez, gutxiago kutsatzen duten ibilgailuak edo ekipo-ondasunak berritzen laguntzen diegu gizarte-erakundeei, jasangarritasunaren arloko araudi berrien arabera. Gainera, entitate sozial bakoitzaren errealitate ekonomikora egokitutako baldintza eta kuotekin egiten dugu.
IKT solidarioa
Arrakala digitala murrizteko, gure bezeroekin batera dohaintzak egiten ditugu teknologiaren eta informazioaren sektorean.
Dohaintza horien bidez, gizarte-erakundeen eta haien onuradunen behar materialak eta informatikoak asetzea bilatzen dugu, digitalizazio-prozesuetan lagunduz. 2024an 2 ekimen solidario gauzatu genituen.
Etxe solidarioa
Gizarte-erakundeen bitartez, familien oinarrizko beharrak asetzeko proiektuekin lankidetzan aritzen gara, hala nola ama-haurrentzako oinarrizko produktuak, osasun-produktuak, elikadura-produktuak…
Gainera, erakunde horien instalazioetarako altzari egokiak erosten ere laguntzen dugu. Horrela, 2024an 8 ekimen gauzatu genituen arlo horretan.
OEI: Osasuna, Elkartasuna, Irribarrea (3S gaztelaniaz)
CaixaBank Payments & Consumer sozietatetik, CaixaBank eta "la Caixa" Fundazioarekin lankidetzan, 3S (Osasuna, Elkartasuna eta Irribarrea) ekimena bultzatu genuen. Proposamen hori helburu argi batekin sortu zen: gehien behar dutenei osasuna hurbiltzea.
Osasun-sektoreko gure aliatuekin aliantza estrategikoak sortuta, egoera zaurgarrian dauden pertsonei osasun-zerbitzuetarako eta osasun-materialerako sarbidea errazteko lan egiten dugu. Ekimen horrek lankidetzaren indarra konbinatzen du: "la Caixa" Fundazioaren funts sozialak, CaixaBank-en eta CaixaBank Payments & Consumer-en konpromisoa eta gure aliatuen laguntza solidarioa, ekarpen ekonomikoekin, gauzazko dohaintzekin eta deskontu bereziekin laguntzen dutenak.
3S ekintza solidario bat baino askoz gehiago da. Enpresak, gizarte-erakundeak eta pertsonak helburu berarekin elkartzen dituen laguntza-sarea da: zaindu, lagundu eta gehien behar dutenei irribarrea itzuli.
2024an 25 ekintza gauzatu genituen audifonoak erosteko, eta aliantzak itxi ditugu aho-hortzen sektoreko bazkide-ekin.
CaixaBank taldeko boluntarioak
Gure boluntariotza-programari esker, gure langileek gizarte- eta ingurumen-proiektuetan aktiboki parte hartu dezakete. Era horretan, gizartea hobetzen eta gure ingurunea babesten laguntzen ari gara. Gainera, boluntario guztien hazkunde pertsonala sustatzen dugu.
Gure boluntario-komunitatea CaixaBank Taldeko erakunde guztietako pertsonak dira, eta urtean 4.000 proiektu eta jarduera baino gehiagotan parte hartzen dute.
Langileen eta, oro har, gizartearen arteko elkartasunaren garapena erraztea izan da CaixaBank Taldearen helburu nagusietako bat hasieratik. 2005ean sortua, CaixaBank-eko Boluntarioen Elkartea erreferente bat da boluntariotzaren sustapenean. CaixaBank Boluntariotzaren helburua da mundu bidezkoago eta atseginago bati laguntzea, kolektibo ahuletako pertsonei lagunduz haien ongizatea hobetzeko, eta planeta eta bioaniztasuna zainduz.
CaixaBank Payments & Consumer-en, aliantzak sortzen ditugu garapen jasangarriko eta ingurumena zaintzeko gure balioak partekatzen dituzten gizarte-erakundeekin. “Auzoarekin konektatuta” eta “CPCrekin konektatuta” ekimenen bidez, gure ordezkaritzetatik hurbilen dauden auzoetako gizarte-erakundeak identifikatzen ditugu, eta plantillan elkartasuna sustatzen dugu, Hilabete Soziala eta Social Team Buildings ekimenen bidez, langileen artean.
2024an, CaixaBank Payments & Consumer-eko plantillan 1.700 baino gehiagok parte hartu dute 80 jarduera baino gehiagotan, hala nola teambuilding solidarioetan, ingurumen jardunaldietan edo Hilabete Sozialaren barruko ekintzetan.
Gure bezeroei eta, oro har, gizarteari zuzendutako beste ekintza horiek dohaintzen bilketa bultzatzen eta gizarte-erakundeekiko lankidetza sustatzen dute.
Zentzua duten dohaintzak
ReUtilízame programak enpresek egoera onean dituzten material soberakinak irabazi-asmorik gabeko gizarte-erakundeei ematea sustatzen du. Programa bezeroei irekita dago, eta 2024an 66.597 artikulu eman ziren dohaintzan, 50 enpresak baino gehiagok parte hartu dute, CaixaBank-ek eta CaixaBank Payments & Consumer-ek ez ezik, eta 292 erakundek ere jaso dute etekina.
El Árbol de los Sueños
Ekimen solidario bat da, gure langileak, gure bazkideak eta gure bezeroetako asko familia zaurgarrienentzako opariak erosteko inplikatzen dituena. Horri esker, 25.000 haurrek baino gehiagok Gabonetako eta Erregeetako 30.000 opari baino gehiago ireki ahal izan dituzte.
Erein zure proiektua
Urtero, CaixaBank Payments & Consumer-en lan egiten duten guztiek gizarte-erakundeen proiektuak aurkeztu ditzakete, CaixaBank-en Gizarte Ekintzaren laguntza ekonomikoa jasotzeko aukera izan dezaten. Oro har, erakunde horietan kolaboratzen dute edo horiekin lotura zehatz bat dute. 2024an, gure plantillak 24 proiektu aurkeztu zituen guztira, eta 12 irabazle hautatu ziren.
Hilabete soziala
Gure langileek, senide, lagun eta bezeroekin batera, boluntariotza-maratoi batean parte hartzen dute, CaixaBank-en Hilabete Sozialaren barruan. CaixaBank Payments & Consumer-ek CaixaBank-en jardueretan parte hartzen du, baita bere jardueretan ere. Guztira, jarduera propioak bakarrik kontuan hartuta, 30 jarduera baino gehiago egiten ditugu, langileen 1.000 partaidetza baino gehiagorekin. Hilabete Sozialean egiten ditugun ekintzek askotariko gaiak dituzte: ingurumenarekiko sentsibilizazioa eta ekintza, adinekoentzako eta etorkinentzako arreta, hezkuntza, desgaitasuna edo haur-pobrezia.
