En CaixaBank Payments & Consumer cremos no poder do cambio positivo e na nosa responsabilidade para construír unha sociedade máis xusta, inclusiva e comprometida. Prestamos atención ás necesidades das persoas que nos rodean e buscamos solucións que respondan ás súas realidades en cada comunidade. Por iso, ofrecemos produtos e servizos que buscan un impacto especialmente para as persoas en situación de vulnerabilidade.
Acompañámoste co que mellor sabemos facer —banca, medios de pagamento e financiamento— e ofrecémosche solucións para impulsar os teus proxectos sostibles, mellorar o teu benestar financeiro e, xuntos, transformar a economía e fomentar o desenvolvemento económico e social. Para facelo posible impulsamos iniciativas que facilitan o acceso a medios de pagamento e servizos de financiamento cada vez a máis persoas.
Xunto con MoneyToPay, colaboramos con administracións públicas e organizacións non gobernamentais coa emisión de tarxetas de prepagamento destinadas a persoas que reciben axudas sociais.
Pechamos 2024 cun parque de máis de 65.000 tarxetas de axudas sociais.
Tamén xunto con MoneyToPay, pomos ao servizo das empresas do sector primario tarxetas para pagaren as nóminas do seu cadro de persoal temporal.
Estas non teñen ningún custo para as persoas beneficiarias e facilitan a dispoñibilidade do salario de forma fácil e flexible.
En 2024 emitimos máis de 7000 tarxetas para as nóminas de traballadores temporais e pechamos cun parque de máis de 20.000 tarxetas.
En CaixaBank Payments & Consumer temos tarxetas asociadas a máis de 100 ONG, a través das cales se recadaron máis de 2,4 millóns de euros en 2024.
Temos dúas tipoloxías de tarxetas ONG: por un lado, as que cedemos unha parte da súa cota anual de emisión e mantemento á entidade social que escolla a nosa clientela máis solidaria e, por outro, as que destinan unha pequena porcentaxe das compras que se realicen con elas á entidade social escollida.
Pechamos 2024 cun parque de máis de 40.000 tarxetas ONG.
A finais de 2022, emitimos a primeira tarxeta bancaria en código braille en España en colaboración coa ONCE. Con ela, as persoas con discapacidade visual poden realizar compras en calquera tipo de comercio de xeito autónomo, de forma presencial e nos comercios electrónicos.
Esta tarxeta supón un gran paso no noso compromiso coa banca inclusiva: fai máis accesibles os nosos servizos e mellora a experiencia de cliente.
Pechamos 2024 cun parque de máis de 3955 tarxetas Braille.
En CaixaBank Payments & Consumer, ademais de deseñar produtos adecuados ás necesidades das persoas, centramos os nosos esforzos en xerar iniciativas de educación financeira, facilitando toda a información necesaria para unha mellor decisión de compra.
Como parte do Grupo CaixaBank, temos o compromiso de mellorar a cultura financeira dos nosos clientes e a sociedade en xeral, incluíndo os colectivos máis vulnerables.
Múltiples iniciativas desenvolvidas en 2024 da man de voluntarios do Grupo CaixaBank ou con entidades sociais.
Estamos comprometidos co progreso social e co benestar das persoas. Por iso, establecemos alianzas con entidades sociais que comparten os nosos valores de desenvolvemento sostible e de preservación do medio ambiente. A través da iniciativa “Conectados ao barrio”, identificamos as entidades sociais dos barrios máis próximos ás nosas delegacións para desenvolver actividades e accións con elas.
En CaixaBank Payments & Consumer cremos firmemente no poder da conexión. Por iso, impulsamos as iniciativas “Conectados ao barrio” e “Conectados a CPC”, co obxectivo de achegar os nosos edificios corporativos e os nosos equipos á realidade das persoas máis vulnerables do noso medio.
Estas iniciativas nacen cunha vocación clara: tender pontes entre o noso persoal e as entidades sociais, fundacións e ONG que traballan cerca de nós ou que teñen un vínculo especial cos nosos equipos, xa sexa por lazos familiares ou pola súa implicación en accións de voluntariado.
A través destas conexións, acompañamos estas organizacións e ofrecémoslles o apoio do Grupo CaixaBank, participando activamente en campañas solidarias, como “A árbore dos soños” e “ReUtilízame”, entre outras. Ademais, desenvolvemos conxuntamente actividades e accións que xeran un impacto positivo real na comunidade.
Porque cando nos conectamos co barrio, conectamos co que de verdade importa.
“Fórmula Solidaria” é unha iniciativa de CaixaBank e CaixaBank Payments & Consumer para canalizar o apoio económico da Fundación “la Caixa” e de empresas sensibles ante as dificultades das persoas máis vulnerables. O obxectivo de “Fórmula Solidaria” é contribuír a facer realidade os proxectos das entidades beneficiadas.
Coa colaboración dos nosos socios, en 2024 beneficiamos máis de 70 entidades con proxectos, cuxa achega supera os 1,8 millóns de euros destinados a apoiar colectivos vulnerables e en risco de exclusión social.
Mobilidade solidaria
Establecemos alianzas cos nosos clientes do sector da automoción para que ofrezan descontos ou doazóns que faciliten ás entidades sociais dotarse de vehículos sostibles. No ano 2024 levamos a cabo 43 proxectos.
Nesta iniciativa inclúese o renting solidario, mediante o cal axudamos as entidades sociais na renovación de vehículos menos contaminantes ou bens de equipo, segundo as novas normativas en materia de sostibilidade. E facémolo cunhas condicións e unhas cotas axustadas á realidade económica de cada entidade social.
TIC solidario
Para reducir a fenda dixital realizamos doazóns conxuntas cos nosos clientes no sector da tecnoloxía e a información.
A través destas doazóns, buscamos cubrir as necesidades materiais e informáticas das entidades sociais e dos seus beneficiarios e beneficiarias colaborando nos seus procesos de dixitalización. Durante 2024 levamos a cabo 2 iniciativas solidarias.
Fogar solidario
Colaboramos con entidades sociais que teñen proxectos destinados a cubrir as necesidades básicas das familias vulnerables: produtos de primeira necesidade materno-infantil, sanitarios, de alimentación…
Ademais, tamén contribuímos á adquisición de mobiliario adecuado para as instalacións destas entidades. Desta maneira, en 2024 levamos a cabo 8 iniciativas neste ámbito.
3S Saúde, solidariedade, sorriso
En CaixaBank Payments & Consumer, en colaboración con CaixaBank e a Fundación “la Caixa”, impulsamos a iniciativa 3S (Saúde, solidariedade e sorriso), unha proposta que nace cun propósito claro: achegar a saúde a quen máis a necesita.
A través de alianzas estratéxicas cos nosos socios do sector sanitario, traballamos para facilitar o acceso a servizos e material sanitario a persoas en situación de vulnerabilidade social. Esta iniciativa combina a forza da colaboración: os fondos sociais da Fundación “la Caixa”, o compromiso de CaixaBank e CaixaBank Payments & Consumer e o apoio solidario dos nosos colaboradores, que contribúen con achegas económicas, doazóns en especie e descontos especiais.
3S é moito máis que unha acción solidaria: é unha rede de apoio que une empresas, entidades sociais e persoas cun mesmo obxectivo: coidar, acompañar e devolver o sorriso a quen máis o necesita.
En 2024 realizamos 25 accións para a adquisición de audiófonos e pechamos alianzas con socios do sector bucodental.
Voluntariado do grupo CaixaBank
O noso programa de voluntariado permite ao noso cadro de persoal participar de forma activa en proxectos sociais e ambientais. Desta maneira, estamos contribuíndo á mellora da sociedade e á protección do medio en que vivimos, ao tempo que fomentamos o crecemento persoal de todas as persoas voluntarias.
A nosa comunidade de voluntariado reúne persoas de todas as entidades do Grupo CaixaBank e participa en máis de 4000 proxectos e actividades ao ano.
Facilitar o desenvolvemento da solidariedade entre o seu persoal e a sociedade en xeral foi un dos obxectivos clave do Grupo CaixaBank desde os seus inicios. Creada en 2005, a Asociación de Voluntarios de CaixaBank constitúe un referente na promoción do voluntariado. O obxectivo do Voluntariado CaixaBank é contribuír a un mundo máis xusto e amable, acompañando as persoas de colectivos vulnerables para mellorar o seu benestar e coidando do planeta e da súa biodiversidade.
En CaixaBank Payments & Consumer establecemos alianzas con entidades sociais que comparten os nosos valores de desenvolvemento sostible e de preservación do medio ambiente. A través das iniciativas “Conectados ao barrio” e “Conectados a CPC”, identificamos as entidades sociais dos barrios máis próximos ás nosas delegacións e promovemos a solidariedade no persoal a través de iniciativas como o Mes Social e os Social Team Buildings, entre os empregados.
En 2024, o persoal de CaixaBank Payments & Consumer realizou máis de 1700 participacións en máis de 80 actividades, como teambuildings solidarios (construción de equipos solidarios), xornadas ambientais ou accións dentro do Mes Social.
Estoutras accións, dirixidas á nosa clientela e á sociedade en xeral, impulsan a recadación de donativos e promoven a colaboración con entidades sociais.
Doazóns con sentido
ReUtilízame é un programa que impulsa a doazón de materiais excedentes en bo estado por parte de empresas a entidades sociais sen ánimo de lucro. O programa está aberto á clientela e, en 2024, doáronse 66.597 artigos, participaron máis de 50 empresas, ademais de CaixaBank e de CaixaBank Payments & Consumer, e beneficiáronse 292 entidades.
A Árbore dos Soños
Esta é unha iniciativa solidaria que involucra o noso cadro de persoal, os nosos socios e moitos dos nosos clientes e clientas na compra de regalos destinados ás familias máis vulnerables. Grazas a ela, máis de 25.000 nenos e nenas puideron abrir máis de 30.000 regalos de Nadal e Reis.
Planta o teu proxecto
Cada ano, todas as persoas que traballan en CaixaBank Payments & Consumer poden presentar proxectos de entidades sociais para que teñan a opción de acceder ao apoio económico de Acción Social de CaixaBank. Xeralmente, trátase de entidades nas que colaboran ou coas que teñen unha vinculación concreta. En 2024, o noso cadro de persoal presentou un total de 24 proxectos e seleccionáronse 12 gañadores.
Mes social
O noso cadro de persoal, xunto con familiares, amizades e clientela, participa nun maratón de voluntariado no marco do Mes Social de CaixaBank. En CaixaBank Payments & Consumer participamos nas actividades de CaixaBank e tamén nas propias. En total, contando só as actividades propias, celebramos máis de 30 actividades con máis de 1000 participacións de empregados e empregadas. As accións que levamos a cabo no Mes Social teñen temáticas moi variadas: sensibilización e acción ambiental, atención ás persoas maiores e ás persoas migradas, educación, discapacidade ou pobreza infantil, entre outras.
