As entidades financeiras temos un papel clave para alcanzar os obxectivos dos Acordos de París e os Obxectivos de Desenvolvemento Sostible.
A través do financiamento, podemos axudar as persoas e as empresas a avanzaren na transición para unha economía máis limpa, menos contaminante e, en definitiva, menos dependente dos combustibles fósiles.
Ademais, tamén realizamos un labor interno para reducir o impacto ambiental da nosa propia actividade. Con este fin, calculamos anualmente a nosa propia pegada de carbono para poder analizala e definir e impulsar iniciativas concretas para reducila.
Facilitamos a transición da nosa clientela, particulares e empresas a unha economía máis sostible e respectuosa co medio ambiente mediante o financiamento de produtos e bens sostibles que reduzan o impacto nel, co centro na mobilidade sostible e no fogar eficiente.
Contribuímos a reducir as emisións contaminantes derivadas da mobilidade promovendo o renting e o financiamento de vehículos menos contaminantes, con distintivo ambiental 0 ou ECO. Ademais, facilitamos préstamos para a adquisición de bicicletas, bicicletas eléctricas, patinetes eléctricos e outros vehículos de mobilidade persoal respectuosos co medio ambiente.
En 2024, financiamos máis de 500 millóns de euros en vehículos menos contaminantes. Este dato inclúe o renting da nosa filial CaixaBank Equipment Finance de vehículos coa etiqueta 0 ou ECO e o financiamento de vehículos coa etiqueta 0 e ECO mediante préstamos en punto de venda (concesionarios).
En total, máis de 24.000 coches con etiqueta 0 e ECO.
A finais de 2024, a nosa filial Facilitea lanzou a plataforma Facilitea Coches, cun catálogo moi competitivo e extenso de vehículos con etiqueta 0 e ECO que nos axudarán a aumentar as vendas e o financiamento de vehículos sostibles para o Plan de Sostibilidade 25-27.
En CaixaBank Payments & Consumer promovemos a transición enerxética mediante o financiamento, a través dos nosos comercios e negocios prescritores, de paneis fotovoltaicos para o autoconsumo de particulares.
En 2024 financiamos a compra de paneis fotovoltaicos por un valor superior aos 40 millóns de euros.
Desenvolvemos a nosa actividade con prácticas ambientais enmarcadas dentro do Plan de Xestión Ambiental do Grupo CaixaBank e segundo os Principios de actuación en materia de sostibilidade.
Estamos reducindo o impacto directo da nosa actividade con plans de actuación en aspectos como o cambio climático, a economía circular, a mobilidade sostible e a promoción da eficiencia, entre outros. Pomos especial énfase na redución da nosa pegada de carbono e en incorporar os principios da economía circular.
Calculamos e compensamos a nosa pegada de carbono
Promovemos a descarbonización da nosa compañía a través do cálculo da pegada de carbono da nosa actividade operativa e do impulso de iniciativas para reducila ou compensala.
En 2024, compensamos 828 toneladas de CO2 correspondentes aos alcances 1 e 2, así como ao alcance 3 (a parte das viaxes corporativas e a fabricación de tarxetas), a través de tres proxectos de reforestación definidos a nivel de todo o Grupo CaixaBank.
Edificios máis sostibles
O noso edificio Experience Hub01 de Barcelona dispón da prestixiosa certificación LEED Ouro, un dos estándares de construción sostible máis esixentes do mundo. Este selo garante que o edificio é sostible polo seu deseño e proceso construtivo, ademais de ser un lugar san e seguro para as persoas que traballan nel.
Ao mesmo tempo, implantamos unha serie de requisitos de calidade ambiental para que os centros corporativos do Grupo CaixaBank sexan máis sostibles. Estas medidas inclúen melloras na eficiencia enerxética e hídrica, así como na prevención de residuos. En CaixaBank Payments & Consumer contribuímos activamente a este compromiso: no edificio HUB01, pechamos as nosas plantas ás 19:30 h e os venres ás 18:00 h, eliminamos o uso de vasos de plástico en favor das botellas reutilizables e, durante os períodos de vacacións, mantemos só unha planta operativa, o que permite reducir significativamente o consumo enerxético, aproveitando o teletraballo como unha ferramenta clave da eficiencia.
Tarxetas de plástico 100% reciclado
Reducimos o impacto ambiental dos medios de pagamento grazas á innovación na fabricación e nos métodos de impresión das nosas tarxetas.
En 2024, todas as nosas tarxetas de nova fabricación foron de plástico 100% reciclado. E máis do 99% das tarxetas que emitimos proceden de materiais sostibles (tanto de plástico de orixe reciclada como biodegradable). O 1% restante corresponde ao stock de tarxetas de anos anteriores que xa está en proceso de esgotarse.
Pioneiros na reciclaxe de tarxetas
Desde 2019 contamos cun circuíto de recollida de tarxetas para seren recicladas. En 2024 evolucionámolo para mellorar o seguimento que facemos delas e poder informar con transparencia a nosa clientela sobre o destino final da súas tarxetas.
O modelo anterior permitía reciclar o plástico, pero non podiamos saber con precisión cando se reempregaba cada tarxeta nin en que produto se transformaba. Isto limitaba a información que podiamos dar á clientela.
Circuíto máis transparente
O novo proceso incorpora dúas melloras esenciais:
O novo circuíto formalizouse o 18 de novembro de 2024 e, en só mes e medio, ao acabar 2024:
Este proceso é posible grazas á nosa clientela, que entrega as tarxetas antigas nas oficinas de CaixaBank. O seu xesto inicia o circuíto de reciclaxe e permite dar unha segunda vida ao material, avanzando xuntos cara a un modelo máis sostible.
Outras medidas para reducir o impacto das tarxetas
O prazo de validez das nosas tarxetas é de máis de 5 anos grazas á ampliación que realizamos en 2023. Con esta sinxela medida conseguimos proporcionar unha maior comodidade aos usuarios e usuarias, que teñen que estar menos pendentes da renovación da súa tarxeta, ao tempo que reducimos o consumo de materiais e o seu impacto ambiental.
Tamén estamos a incentivar a contratación da tarxeta 100% virtual para os colectivos máis novos ou dixitais que queiran prescindir da física. Esta medida estase a aplicar de forma progresiva e sempre a partir da segunda tarxeta, xa que consideramos que ter unha física aínda é necesario.
En 2024, emitimos o 2% de todas as tarxetas CaixaBank en formato virtual e o 39% das tarxetas de prepagamento.
Dixitalización de papel cos TPV ticketless
A finais de 2022, empezamos a implantar un novo software nos TPV que nos permite dar a opción, tanto ao comercio como á clientela, de non imprimir o recibo se non é preciso.
Para isto, este novo software pon a disposición do comercio e da clientela varias opcións para poder recibir e gardar o recibo en formato dixital (escaneamento de código QR, reenvío por WhatsApp ou correo electrónico etc.).
Con esta nova funcionalidade de ticketless (sen tícket) podemos axudar a reducir o uso de papel nos casos en que non sexa necesario.
Pechamos 2024 co 50% de todos os nosos TPV con esta funcionalidade implementada. En total, máis de 350.000 dispositivos.
Vehículos comerciais con menos emisións
Avanzamos en dirección a unha mobilidade máis sostible grazas á progresiva implantación do noso plan de renovación de vehículos con modelos con distintivo ambiental 0 e ECO.
Redución da pegada das viaxes corporativas
Monitorizamos a nosa pegada de carbono das viaxes corporativas co obxectivo de poder reducila.
Para iso, concienciamos o noso persoal co seguimento de indicadores como a proporción de viaxes de media distancia con tren con respecto ao avión ou a proporción de taxis con etiqueta 0 ou ECO con respecto aos taxis de combustión.
Ademais, fomentamos entre os nosos empregados o uso do servizo de taxi IMBRIC, composto por vehículos con distintivo ambiental ECO e 0. Grazas a esta iniciativa, en 2024 logramos que o 80% do persoal optase por esta modalidade en lugar do taxi convencional de combustión.
